1C 8.3

1C 8.3 nədir və mühasiblərə hansı üstünlükləri təklif edir?

May 03, 2023

1057 izlənmə

3 dəqiqə oxuma

Müasir dövrdə mühasibatlıq sektorunda əsas tələb olunan proqramlardan biri 1C 8.3 proqramıdır. Belə ki, bir çox müəssisələrin mühasiblərə qoyduğu vacib tələblərdən biri 1C Proqramında uçotun aparılmasını bilməkdir.

Bəs 1C 8.3 proqramı nədir?

1C 8.3 proqramı mühasibatlıq hesabat sistemidir. Başqa sözlə, bir mühasibin köməkçi vasitəsidir və ya mühasibin uçotlar toplusu da adlandırmaq olar.

Daha da anlaşıqlı olması üçün gəlin bir Nümunəyə nəzər salaq:

Tutaq ki, Siz 'Elegant' MMC-də mühasibsiniz və sahibkar sizdən 'İATM' MMC-ə nə qədər borcunuzun (kreditor borcu) olduğunu soruşur. Bu zaman siz yenidən bir-bir uçotlara, hesablara ayrı-ayrılıqda baxmaq məcburiyyətində qalmırsınız. Sadecə olaraq 1C proqramını açırsınız və birbaşa uçotlar gözünüzün qarşısında olur.

Demək ki, 1C programinın əsas məqsədi müəssisədə mühasibat və idarə etmə uçotunu həmçinin iqtisadi və təşkilati fəaliyyətlərin avtomatlaşırılması başqa sözlə komputerləşdirilməsidir. Proqram təminatının əsas xüsusiyyətlərinə mühasibat uçotu, vergi idarəçiliyi, müştəri münasibətlərinin idarə edilməsi, istehsalın planlaşdırılması və nəzarəti, satışın idarə edilməsi və ehtiyatların idarə edilməsi daxildir. Qeyd edək ki, bu proqram əsasən MDB ölkələrində istifadə olunur.

1C 8.3 Proqramının üstünlükləri nələrdir?

Gəlin bu proqramın istifadəsinin mühasibə nə kimi üstünlüklər verdiyinə nəzər yetirək:

İstifadəsi asandır	İstifadəsi asan interfeysə malikdir və ona görə də yeni istifadəçilər tərəfindən asanlıqla öyrənilə bilər
Uyğunluq	Biznes ehtiyaclarına uyğun olaraq fərdiləşdirilə bilər. Beləliklə, müəssisələr proqram təminatını ehtiyaclarına uyğun olaraq fərdiləşdirə bilərlər.
Geniş funksiyalar	Mühasibat uçotunun idarə edilməsi, satışın idarə edilməsi, ehtiyatların izlənməsi, istehsalın idarə edilməsi, logistikanın idarə edilməsi, əmək haqqının idarə edilməsi və bir çox başqa funksiyaları əhatə edir.
Yüksək məhsuldarlıq	Tez və səmərəli işləyir və böyük həcmdə verilənləri idarə etmək qabiliyyətinə malikdir
Etibarlı və təhlükəsiz	1C etibarlı və təhlükəsiz proqram platformasıdır. Yeniləmə prosesləri müntəzəm olaraq həyata keçirilir və təhlükəsizlik zəiflikləri tez bir zamanda aradan qaldırılır. Beləliklə, biznes məlumatları təhlükəsizdir.

1C proqramı tam olaraq hansı mövzuları əhatə etdiyini, bir mühasibin bu proqramı öyrənmək üçün nə qədər zamana ehtiyacı olduğunu bilmək üçün 1C 8.3 təlim proqramına nəzər yetirə bilərsiniz.

Müəllif: Pənah İbrahimli, Aysun Bayramova